Ult pen ulystyń bolashaǵy halyqtyń óz qolynda
Bul pikirdi Geraldıkalyq ortalyqtyń dırektory Asylbek Baıjumauly aıtty, dep habarlaıdy Almaty-akshamy.kz.
«5 maýsymda Prezıdent Jarlyǵymen jalpyhalyqtyq Konstıtýsıalyq reformalar aıasynda referendým ótedi. Qazaqstannyń damýy aıqyndalatyn sátte Prezıdent halyqtyń qoldaýyna senip otyr. Konstıtýsıalyq sot qurý arqyly adam quqyǵyn qorǵaý, ólim jazasyn túbegeıli joıý jáne ombýdsmenderdiń ókilettigin Konstıtýsıaǵa engizý bastamalary kóterildi. Jańa Qazaqstandy, jańa zamandy, ádiletti memleketti ańsaǵan bar otandastarymyz Prezıdent bastamasyn qoldap, birlik pen berekeniń úlgisin kórsetedi degen senimdemin», – dedi Geraldıkalyq ortalyqtyń dırektory.
Sondaı-aq ol árbir azamattyń óziniń zańdy quqyǵyn paıdalana otyryp, zań aıasynda Máslıhat pen Májilis saılaýyna qatysýyna múmkindik týatynyn aıtty.
«Parlamenttik bılikti kúsheıtip, máslıhattar men Májilistiń majorıtarlyq saılaý júıesine kóshýi – Qazaqstan halqynyń eldegi saıası ómirine belsene aralasýyna múmkindik beredi. Árbir azamattyń óziniń zańdy quqyǵyn paıdalana otyryp, zań aıasynda máslıhat pen Májilis saılaýyna qatysýyna múmkindik týady. Ekinshi damyǵan Qazaqstandy túbegeıli ózgerister kútip tur. Ult pen ulystyń bolashaǵy halyqtyń óz qolynda ekenin basa aıtty. Men Qazaqstan Respýblıkasynyń azamaty retinde bul saıası ózgeristerdi qoldaımyn», – dedi Asylbek Baıjumauly.