Oıynnyń qorytyndysy boıynsha birinshi oryndy Mańǵystaý oblysynyń oqýshylary ıelendi
Jasóspirimderdiń boıyndaǵy jaýyngerlik rýhty synǵa salatyn «Qaisar» áskerı-patrıottyq oıyndary óz máresine jetti, dep habarlaıdy Almaty-akshamy.kz.
Eldiń túkpir-túkpirinen 1700-ge jýyq joǵary synyp oqýshysy qatysqan saıystyń aqtyq synyna nebári 100 bala ótipti. Olar eki kún boıy júzý men kedergilerden ótý boıynsha synǵa tústi. Sondaı-aq «Meniń elim Qazaqstan» taqyrybynda áskerı-tarıhı vıktorınaǵa qatysty. Oıynnyń qorytyndysy boıynsha birinshi oryndy Mańǵystaý, ekinshi oryndy Qaraǵandy oblysynyń oqýshylary jeńip aldy. Al úshinshi oryn Shyǵys Qazaqstan oblysynyń komandasyna buıyrdy.
«Qaisar» áskerı-patrıottyq partıalyq jobasynyń negizgi maqsaty – jastardyń boıynda qazaqstandyq patrıotızmdi damytý. Osy 2 aptanyń kóleminde jobanyń aıasynda Qazaqstannyń barlyq aımaqtarynda jastar belsene qatysty. Naqty josparymyz bar. Jyl sońyna deıin Qaısar áskerı patrıottyq jobasynyń aıasynda 25 myń jastardy qamtımyz degen josparymyz bar», – dedi Amanat partıasynyń atqarýshy hatshysy Asqat Oralov.