Qazaqstandaǵy seısmologıalyq jaǵdaı laıyqty baǵalanbaı keledi. Seısmostansıalardaǵy 1979 jyly shyǵarylǵan jabdyqtar ábden eskirgen. Bul týraly senatorlardyń Seısmologıa ınstıtýty mamandarymen bolǵan kezdesýi barysynda aıtyldy, dep habarlaıdy Almaty-akshamy.kz 24.kz-ke silteme jasap.
Depýtattar Almatydaǵy jedel qyzmetterdiń tabıǵı apattarǵa daıyndyǵymen tanysty. Jıynda mamandar «el aýmaǵynyń 40 prosenti seısmıkalyq qaýipti aımaqta ornalasqanyna qaramastan, tıisti stansalar az» dep otyr. Sońǵy 5 jylda seısmıkalyq aspaptar 40 000 jer silkinisin tirkegen. Ótken jyldyń ózinde olardyń sany 7 myńǵa jýyqtaǵan. Seısmologıa ınstıtýtynyń mamandary qazirgi ýaqytta Almatydaǵy jaǵdaı turaqty dep otyr.
- Seısmologıa ınstıtýtynyń boljamdyq komısıasynyń málimetinshe, 2023 jyly Almaty polıgony aýmaǵynda kúshti joıqyn jer silkinisi kútilmeıdi. Apta saıyn komısıa otyrysyn ótkizip, komısıanyń qorytyndysyn barlyq sheshim qabyldaıtyn organdarǵa jiberemiz, - deıdi seısmologıa ınstıtýtynyń dırektory Dáýlet Sársenbaev.