Bul týraly Energetıka mınıstri Bolat Aqsholaqov aıtty.
Qazaqstanda gazǵa qosylý qunyn tómendetý joldary qarastyrylyp jatyr, dep habarlaıdy Almaty-akshamy.kz
Onyń aıtýynsha, qazir baǵany tómendetý baǵytynda jumystar júrip jatyr.
"Shynymen, bizde gazǵa qosylý quny joǵary. Qazir muny sheshýdiń joldaryn izdep jatyrmyz. Óńir ákimdikteri men "Qazaqgaz" birlesip baǵasyn túsirý úshin jumystar júrgizip jatyr. Búgin Úkimet otyrysynda Almaty oblysynyń ákimi qosylý quny eki ese tómendetilgenin aıtty. Osyndaı jumystardy ár óńirde atqarýymyz kerek", - dedi Aqsholaqov.
Ol gazǵa qosylý quny qanshaǵa tómendeıtinin aıta almady. Bári jabdyqtardyń qunyna baılanysty deıdi.
"Gazǵa qosylý úshin paıdalanylatyn jabdyqtardyń birneshe tıpi bar. Mysaly, úıge qubyr tartý kerek, odan keıin esepteý júıesi, gazdy paıdalanatyn jáne bóletin qazandyq kerek. Sol sebepti jabdyqtyń qunyna qaraý qajet. Ókinishke qaraı, bizde ol jabdyqtar shyǵarylmaıdy. Biz ony syrttan tasımyz. Aýqymdy gazdandyrýǵa kóshsek, osy materıaldardyń óndirisin qalaı jolǵa qoıatynymyzdy oılastyrý kerek", - dedi mınıstr.
Buǵan deıin mınıstr elimizdiń shyǵys óńirlerin gazdandyrý úshin Reseıden gaz ımporttalýy múmkin ekenin málimdegen edi.