Qarjy pıramıdasy retinde áreket etedi degen kúdikke ilingen, sondaı-aq sot úkimi shyqqan uıymdardyń keńeıtilgen tizimin jarıalady.
Bul týraly Qarjylyq monıtorıńi agenttigi jarıalady, dep habarlaıdy Almaty-akshamy.kz.
Endi óz qarajatyn ınvestısıalaýdy josparlaǵan qazaqstandyqtar kompanıanyń senimdiligin Qarjy naryǵyn damytý jáne retteý agenttiginiń reestrinen ǵana emes, sonymen qatar osy tizimnen de teksere alady.
«Aıta ketý kerek, agenttik bıylǵy jyl basynan beri 22 qarjy pıramıdasyn anyqtaǵan. Kıberbaqylaý júıesinde 4 myńǵa jýyq saıttar men akkaýntar buǵattaldy.
Aldyn alý jumystary aıasynda áleýmettik jeli qoldanýshylaryna eskertýler jiberý nátıjesinde búginde 52 myń jeli paıdalanýshysy qarjy pıramıdasy belgileri bar kontentke jazylýdan bas tartty», - delingen Qarjylyq monıtorıńi agenttiginiń málimetinde.
Eske salaıyq, ınvestısıa salmas buryn kompanıada qarjylyq pıramıda belgileriniń bar-joǵyn QMA Telegram-botynan bilýge bolady. Jyl basynan qyzmetke 3511 ótinish túsken.
«Azamattardy qyraǵy bolýǵa jáne aqsha qarajatyn kúmándi qarjy ınstıtýttaryna salmaýǵa shaqyramyz. Eger siz jáne sizdiń jaqyndaryńyz qarjy pıramıdasynyń áreketinen zardap shekse, QMA sall-ortalyǵyna (1458) habarlasa alady», - dedi agenttikten.
