İshki ister mınıstrligi «Avtokólik tarıhy» men «Biryńǵaı saqtandyrý derekter bazasy» servısin biriktirýdi josparlap otyr.
Bul kólikti satyp almastan buryn jol-kólik apatyna túsken-túspegenin qosymsha tekserýge múmkindik beredi, dep habarlaıdy Almaty-akshamy.kz.
İshki ister mınıstrliginiń baspasóz qyzmetiniń habarlaýynsha, vedomstvo «Avtokólik tarıhy» servısin jetildirýdi josparlap otyr. Ony «Biryńǵaı saqtandyrý derekter bazasymen» biriktirý kóliktiń jol apatyna ushyraǵan-ushyramaǵanyn qosymsha tekserýge múmkindik bermek.
Bul servıs iske qosylǵan sátten bastap qazaqstandyqtar eki mıllıonnan astam kólik quralyn tekserdi. Servıs Qazaqstanda avtokólik tarıhyn onlaın-rejımde kórýge múkindik beredi.
«Avtokólik tarıhy» qyzmeti azamattarǵa avtokólik satyp alǵanda avtokóliktiń Qazaqstanda alǵash tirkelgen kúnin, burynǵy ıeleriniń sanyn, kepildikter men aýyrtpalyqtardyń bar-joǵyn kórýge múmkindik beredi.