Bul bastama 235 náresteni ajaldan qutqaryp qaldy.
Qazaqstandaǵy perınataldyq ortalyqtardyń úshten biri gıpotermıa apparattarymen jabdyqtaldy, dep habarlaıdy Almaty-akshamy.kz Egemen.kz cilteme jasap.
«Ayala» qaıyrymdylyq qory 5 jyl boıy «Basqarylatyn gıpotermıa» jobasyn tabandylyqpen júrgizip kele jatqanynyń arqasynda elimizdegi 14 perınataldyq ortalyq quny 300 mıllıon teńgeni quraıtyn avtomatty gıpotermıaǵa arnalǵan zamanaýı jabdyqtarǵa qol jetkizdi
Osylaısha 2017-2022 jyldar aralyǵynda bul bastama 235 náresteni ajaldan qutqaryp, máńgilik múgedek bolýdan saqtap qaldy.
Terapıalyq gıpotermıa sábı ómirge kelgen alǵashqy saǵattarda qoldanylýy qajet. Apparat jańa týǵan náresteniń dene qyzýyn avtomatty túrde 34 gradýsqa deıin tómendetedi de, 72 saǵat boıy ony qajetti deńgeıde ustaıdy, sodan keıin balany birtindep jylytady. Tek osy ǵana bala aǵzasyndaǵy metabolızmdi ózgertýge, mıdy glúkozamen qamtamasyz ete otyryp, ortalyq júıke júıesiniń jasýshalaryn qaıtymsyz zaqymdanýlardan qorǵaýǵa múmkindik beredi. Gıpotermıa apparatymen birge júretin amplıtýdalyq elektroensefalografıa monıtory dárigerlerge qoldanylatyn terapıany baqylaýǵa jáne tıimdiligin kóterýge kómektesedi.
Qarap otyrsaq, sábıler ólim-jitiminiń 60 paıyzdan astamyn jańa týǵan náresteler quraıdy. Basty sebepteriniń biri – bosaný kezindegi tunshyǵý, qysylýdan bolatyn ortalyq júıke júıesiniń zaqymdanýy. Iaǵnı, náreste ómirge kelip jatqan kezde mıdyń gıpoksıalyq-ıshemıalyq zaqymdanýy mı jasýshalarynyń óltiretin patologıalyq prosester kaskadyn iske qosady. Munyń saldary – kem degende aýyr múgedektikke dýshar etip, odan da qaıǵylysy sábıdi qutqaryp qalý múmkin emes edi.