Orman sektoryndaǵy Azıalyq yntymaqtastyq uıymy – Afoko Qazaqstanǵa ormandardy qalpyna keltirýge jáne órtterdiń aldyn alýǵa kómektesedi.
Mundaı kelisimge Seýlde májilis depýtaty Edil Jańbyrshınniń osy uıymnyń vıse-prezıdentimen kezdesýinde qol jetti, dep habarlaıdy Almaty-akshamy.kz 24.kz-ke silteme jasap.
Ekologıa jáne tabıǵatty paıdalaný komıtetiniń tóraǵasy Azıa-Tynyq muhıty aımaǵy elderiniń qorshaǵan orta jáne damýy jónindegi parlamenttik konferensıasyna qatysý úshin Koreıaǵa barǵan. Májilis depýtaty basqa memleketterden kelgen áriptesterine Qazaqstannyń klımattyń ózgerýine qatysty qandaı sharalar qoldanyp jatqany jóninde baıandady.
«Koreıa óziniń orman alqaptaryn qaıttan qalpyna keltirý úshin osy 50-60 jylda 11 mıllıard aǵash otyrǵyzǵan eken jáne 2,5 mıllıon gektardaı jerdi orman alqaptaryn qalpyna keltirgen. Soǵan baılanysty osy koreı tarapyna olardyń mol tájirıbesin bizderde paıdalaný jóninde usynystar berdik. Trenıgterdi ótkizý olardyń tehnologıalaryn paıdalaný nemese basqa da bizge qajetti múmkindikterin bizge alyp kelip kórsetse nemese bizdiń azamattardy shaqyryp osy jerde is-tájirıbeden ótkizý deıtin máseleler talqylandy», - deıdi QR Parlamenti Májilisiniń komıtet tóraǵasy Edil Jańbyrshın.