Bul - velotrekten Azıa chempıonatynda Qazaqstan erler quramasynyń kórsetkishi.
Malaızıada velotrekten erler men áıelder arasynda Azıa chempıonaty bastaldy. Básekeniń alǵashqy kúni-aq Qazaqstan erler quramasy komandalyq jarysta qola júldege qol jetkizdi, dep habarlaıdy Almaty-akshamy.kz.
Jarysta el namysyn Álisher Jumahan, Artóm Zaharov, Dmıtrıı Noskov pen Ramıs Dinmuhamedov qorǵady. Olar 4 shaqyrymdy 4 mınýt 4 sekýndta júrip ótti.
Tas joldaǵy velosporttan Taılandta ótken Azıa chempıonatynda Qazaqstannyń erler quramasy Parıj Olımpıadasynyń lısenzıasyn jeńip aldy. Jerlesterimiz bir aptaǵa sozylǵan qurlyqtyq birinshilikte 15 júldege ıe bolǵan edi.