Bul týraly almatylyq jýrnalıserge arnalǵan baspasóz týry aıasynda aıtyldy. BAQ ókilderine «Respýblıkalyq orman seleksıalyq-tuqym ortalyǵynyń» qyzmeti tanystyrylyp, orman sharýashylyǵyna baılanysty atqarylǵan jumystar men brendtik jobalar jaıynda aqparat berildi, dep habarlaıdy Almaty-akshamy.kz.
El aýmaǵyn kógaldandyrý maqsatyn kózdegen jobany iske asyrý aıasynda "Qazaqstan Ǵarysh Sapary "UK" AQ jáne "Qazaq orman ornalastyrý kásiporny" RMQK-men birlesip, orman molyqtyrý sharalaryn onlaın qaraýǵa múmkindik beretin ınteraktıvti kartany jasap shyǵarǵan. Interaktıvti kartany qurýdyń maqsaty - turaqty damýdy qamtamasyz etý jáne tıimdilikti arttyrý maqsatynda geoaqparattyq júıelerdi qoldanýǵa negizdelgen elimiz boıynsha 2 mlrd aǵash otyrǵyzýdy qoǵamdyq baqylaý jáne monıtorıńileý quralyn qurý.
Interaktıvti karta negizinde orman ornalastyrý materıaldary jatqan memlekettik orman qorynyń atrıbýtıvtik aqparaty bar geoservıs bolyp tabylady. Geoservıste orman ornalastyrý materıaldary telimderdiń taksasıalyq sıpattamasy túrinde atrıbýtıvti aqparaty bar vektorlyq sandyq kartalar túrinde usynylǵan.
"Kartaǵa engizilgen orman mekemeleriniń, ormanshylyqtardyń, oramdardyń, telimderdiń shekaralary kórsetilgen taksasıalyq sıpattamasy bar kartalar qabattary jáne aı saıyn jańartylyp otyratyn asa joǵary keńistiktik ruqsattaǵy ǵarysh túsirilimderi, aǵash otyrǵyzý, tuqym daıyndaý, tuqymbaqtar jónindegi málimetter avtomatty túrde derekqorǵa túsedi jáne barlyq paıdalanýshylar úshin qoljetimdi bolady. Eń mańyzdysy, ÚEU men múddeli jandarǵa sýretter men beınematerıaldardy, aǵash otyrǵyzý jáne kútip-baptaý jumystary týraly túsinik berilip, monıtorıń júrgiziledi, sóıtip, atqarylǵan isterdiń ashyqtyǵyn qamtamasyz etedi. Sondaı-aq, Android OS jáne IOS platformalary úshin ınspektorlardyń aǵash otyrǵyzý týraly aqparatty óz betinshe toltyrýǵa jáne kórsetýge múmkindik beretin mobıldi qosymsha jasalǵan", - dedi "Qazaq orman ornalastyrý kásiporny" RMQK dırektorynyń orynbasary Nurlan Súleımenov.