Jeńil kóliktiń eń kóbi Almaty oblysy men qalasynda.
Ulttyq statısıka agenttiginiń málimdeýinshe, 2022 jylǵy maýsymda Qazaqstan Respýblıkasynda 95 801 jeńil avtomobıl esepke qoıyldy, bul 2021 jyldyń osy kezeńimen salystyrǵanda 6,5%-ǵa az, dep habarlaıdy Almaty-akshamy.kz.
2022 jylǵy 1 shildedegi jaǵdaı boıynsha, Qazaqstan Respýblıkasynda 3 907,2 myń avtomobıl tirkelgen.
«Shyǵarylǵan jyly boıynsha jeńil avtomobılder avtoparkinde 20 jyl buryn shyǵarylǵan avtomobılder basym – 48,9%, al 3-ten 7 jylǵa deıingi kólikter 6,8%», dep málimdedi Ulttyq statısıka agenttigi.
Jeńil avtomobılderdiń basym bóligi Almaty oblysynda – 501,5 myń birlik, Almaty qalasynda – 463,7 myń birlik jáne Nur-Sultan qalasynda – 285,4 myń, jeńil kóliktiń eń azy – Qyzylorda oblysynda 97,3 myń birlik.
Jeńil avtokólikter janarmaı retinde negizinen benzındi paıdalanady (86,7%), kólik quraldarynyń 9,1% aralas otynmen júredi.
2022 jylǵy 1 shildedegi jaǵdaı boıynsha, Qazaqstan Respýblıkasynda tirkelgen jeńil avtomobılderdiń jalpy sanynda qozǵaltqysh kólemi boıynsha 1500-den 2000 tekshe/sm deıingi avtomobılder basym – 1 749,3 myń birlik.