Jańa jylǵa jaqyndaǵanda ınternettegi demalys oryndaryn jalǵa alý usynystary kóbeıip, jarnamalyq posttar Instagram-da qarqyndy tarala bastaıdy. Bul usynystarda jaıly ınterer, tabıǵat aıasynda demalý, ormanǵa serýendeý jáne ádemi kórinister týraly ýádeler aıtylady. Alaıda, adamdar aldyn ala tólem jasap, kórsetilgen mekenjaı boıynsha barǵan kezde, kútkenderi boıynsha safarı-tent nemese a-freım úıleri emes, eshqashan jalǵa berilmegen jáne jalǵa berilmekshi de emes jeke turǵyn úılerdi kóredi. Nátıjesinde týrıser ýaqytyn jáne aqshasyn joǵaltyp, demalys ornyna ózekti másele týyndatady, dep habarlaıdy aqshamnews.kz.
Anastasıa men onyń otbasy 2024 jyldyń basynda, ıaǵnı 5 qańtarda Talǵar mańyndaǵy glempıngke demalýǵa barady. Ol úshin olar «@mountains_glamp» Instagram paraqshasynda jarıalanǵan jarnamany tańdap, 100 myń teńge kóleminde aldyn ala tólem jasaǵan. Biraq, demalys ornyna kelgende olardy "úptegen" másele kútip turdy.
«2gis-ten meken-jaıdy jiberdi. Onda Talǵar qalasy mańyndaǵy bir sharýa qojalyǵyn kórsetken. Biz kólikti jalǵa alyp, jolǵa shyqtyq. Biraq, meken-jaıǵa bir shaqyrym jetpeı kólik júre almaı, másele týyndady. Qolymyzda alty aılyq bala jáne jetegimizge ergen ıtimiz boldy. Sondyqtan kólikti jolǵa qaldyrǵymyz kelmedi. Qınalyp, kórsetilgen jerge ázer jetkende óz kózimizge ózimiz senbeı qaldyq. Biz birden jaǵdaıdyń nasyrǵa shapqanyn sezdik. Sóıtip álgi qyzmet kórsetýshiniń telefonyna habarlama jazdyq. Qońyraý shaldyq. Alaıda bizdi birden buǵattap, habarlamalardy jaýapsyz qaldyryp otyrdy. Osy kezde bári túsinikti boldy», — deıdi Anastasıa.
Anastasıa birneshe aı buryn Instagram akkaýntyna tirkelip, jarnamadaǵy ádemi sýretter men kútilgen ádemi demalys týraly aqparattarǵa sengenin aıtady. Biraq sońynda eshqandaı demalys orny tabylmady.
«Jarnamadaǵy ádemi kórinister men turaqty túrde jańartylyp otyratyn posttar bizde kúdik týdyrmady. Biz birneshe túrli oryndarmen baılanysyp, qaıda barýdy sheshkende, eń aldymen janymyzda bala men ıt bolǵandyqtan, osy glempıngti tańdadyq», — deıdi Anastasıa.
Anastasıanyń basynan ótken oqıǵa Qazaqstanda glempıngter men basqa da demalys oryndaryna qatysty alaıaqtyqtyń jıileýine aıqyn dálel. Sarapshylar mundaı jaǵdaılardan qorǵaný úshin birneshe keńester usynady:
- Qarap tekserý: Onlaın usynystardy teksergende, usynylǵan mekenjaı men fotolardy Google arqyly tekserý, basqa paıdalanýshylardyń pikirlerin oqý óte mańyzdy.
- Alaıaqtardyń belgileri: Eger usynys tym arzan bolsa nemese jelide kóp jyldyq tájirıbesi joq profıl bolsa, bul kúdik týǵyzýy múmkin.
- Aldyn ala tólem: Múmkindiginshe aldyn ala tólem jasamaý nemese tek senimdi platformalar arqyly tólem júrgizý qajet.
Anastasıa qazir onyń aqshasyn qaıtarýǵa múmkindik joǵyn aıtady, biraq bul oqıǵa alaıaqtyqtyń qalaı jumys isteıtinin túsinýge múmkindik beredi.
Instagramdaǵy paraqsha qaıtadan jumys isteı bastaǵanymen, ol ózinde jańa sýretter jarıalap, burynǵy jarnama sqemasyn qaıta iske qosqan. Bul alaıaqtar jańalyqqa umtylyp, jańa jylǵa arnaıy daıyndyq jasap jatqanyn bildiredi. Bul rette, Talǵar mańyndaǵy glempıngtiń ózinde joq ekenin anyqtaý úshin tek zertteý jasaý qajet. Fotalar men meken-jaı basqa jerden alynǵanyn anyqtaý qıynǵa soqpaıdy.