Halyqaralyq Jastar kúni qarsańynda «Assambleıa jastary» Almaty qalalyq fılıalynyń basshysy Rýstam Qaıryev 12 tamyzda megapolıste qandaı is-sharalar josparlanyp otyrǵanyn aıtty.
Bul týraly spıker Óńirlik komýnıkasıalar qyzmetiniń brıfıńinde sóılegen sózinde bólisti.
Spıkerdiń aqparatynsha, jastar kúnin merekeleý aıasynda Almaty qalasynyń Jastar saıasaty basqarmasymen birlesip birqatar is-sharalar josparlanýda.
«Qazaqstandaǵy Halyqaralyq Jastar kúni jarqyn sıpatqa ıe bolyp, jalpy jastar saıasatyn damytý tujyrymdamasy ózgerdi. Eger bul buryn «jastarǵa arnalǵan saıasat» bolsa, búginde «jastarmen saıasat» dep atalady. Jastar búginde ózderiniń odan arǵy damýyn olar ony qalaı kóredi, búginde ony qalaı sezinedi jáne oǵan qandaı qajettilik bar, soǵan qaraı qalyptastyrady. Almaty qalasynyń «Assambleıa jastary» Jastar saıasaty basqarmasyna belsendi túrde qosylyp, ózderiniń birqatar is - sharalaryn usynady, sonyń ishinde halyqaralyq jastar kúnine qatysty», - dedi R. Kaıryev.
Osylaısha, «Jastar - el damýynyń basty draıveri» baǵytynda «Qazaqstan jastary - kreatıv ambassadory» sıaqty is-sharalar ótedi, onda jastar arasynda kreatıvti ındýstrıa men kreatıvti oılaýdy damytý boıynsha tegin semınarlar men trenıńter ótkiziledi.
Sondaı-aq birqatar qaıyrymdylyq jáne ekologıalyq aksıalar ótedi. Mysaly, Almatynyń árbir turǵyny óz aýlasyndaǵy aǵashqa qamqorlyq jasaıtyn «Aǵashtarǵa qamqor bol» sharasy eki jyl boıy ótkizilip kele jatyr.
Sonymen qatar, «bolashaqtaǵy top 20 mamandyq» kásibı baǵdarlaý is-sharasyn ótkizý josparlanýda. Jastar aldaǵy 10-15 jylda suranysqa ıe bolatyn ózekti mamandyqtar týraly habardar bolady. Biraq eń mańyzdy is-shara jastar kúni qarsańynda «Birlik» sport festıvali
«Bul bizdiń jastarymyzdyń arasynda salaýatty ómir saltyn qalyptastyrýǵa, sondaı-aq ekotýrızmdi damytýǵa arnalǵan is-shara. «Birlik» sportfesti Almaty qalasynyń belsendi jastaryn taýlardaǵy belgili baǵyttarǵa kóterýge baǵyttalǵan. Onyń ishinde Kók jaılaý, onda 5 belgili stansıa kóterilý jolynda jáne túrli jastar uıymdary usynylatyn bolady. Atalǵan is-sharalar barysynda júzden astam belsendi jastar ókilderin biriktirý josparlanýda. Kókjaılaýdyń ózinde jalpy jıyn bolady, onda árbir qatysýshy usynylǵan uıymdarmen tanysyp, qaısysyna kirý kerektigin ózi sheshe alady», - dep túıindedi ol.
Esterińizge sala keteıik, jyl saıyn 12 tamyzda Jastar kúni atap ótiledi. Osyǵan baılanysty qalada megapolıstiń belsendi jastarynyń qatysýymen mádenı-buqaralyq is-sharalar ótkizý josparlanýda.