Orny tolmas qaza
S.Asfendıarov atyndaǵy Qazaq ulttyq medısına ýnıversıtetiniń profesory, epıdemıolog-vaksınolog, medısına ǵylymdarynyń doktory Sáken Ámireev ómirden ótti, dep habarlaıdy Almaty-akshamy.kz.
Qazaqstan Respýblıkasynyń densaýlyq saqtaý salasy men S.D.Asfendıarov atyndaǵy Qazaq ulttyq medısına ýnıversıteti úlken, orny tolmas qazaǵa ushyrady. Búgin tańerteń Qazaqstandaǵy epıdemıologıa jáne vaksınasıa mektebiniń negizin qalaýshy, medısına ǵylymdarynyń doktory, profesor Ámireev Sáken Ámireuly koronovırýs indetinen kóz jumdy. Qaraly habardy S.Asfendıarov atyndaǵy Qazaq ulttyq medısına ýnıversıtetiniń baspasóz qyzmeti rastady.
«S.Asfendıarov atyndaǵy QazUMÝ-niń oqytýshylary, qyzmetkerleri men stýdentteri Sáken Ámireulynyń týystary men jaqyndaryna qaıǵylaryna ortaqtasyp kóńil aıtady», - delingen habarlamada.
Cáken Ámireev 1940 jyly 5 qańtarda Almaty oblysy Qabanbaı (burynǵy Andreev) aýdany Muqaı aýylynda dúnıege keldi. 1957 jyly Ekpindi orta mektebin tamamdady. 1958-1964 jyldary Almaty memlekettik medısına ınstıtýtynda oqyp dáriger-epıdemıolog mamany ataǵyn aldy. 1964 jyly KSSR Densaýlyq saqtaý mınıstrliginiń mıkrobıologıa epıdemıologıa jáne gıgıena ǵylymı-zertteý ınstıtýtyna kishi ǵylymı qyzmetker bolyp qabyldandy.1967-1970 jyldary AMMI aspıranty. 1970 jyly medısına ǵylymdarynyń kandıdaty ataǵyn qorǵady. Profesor S.Ámireev brýselez problemalarynyń ártúrli salalary boıynsha 2 monografıa, 4 ǵylymı jınaqtar, 6 tomdy ǵylymı-ádebıetterge sholýlar jaryq kórdi, 5 doktorlyq, 12-kandıdattyq dısertasıalar qorǵaldy (ǵylymı-jetekshi, ǵylymı-keńesshi boldy). Aıta keteıik, ol pandemıanyń alǵashqy kúnderinen bastap koronavırýspen kúreste aldyńǵy qatarda boldy.