Qazaqstannyń bank sektory 2022 jyly ornyqtylyǵyn kórsetti
Standard & Poor's (S&P) halyqaralyq reıtıńtik agenttigi Qazaqstannyń 6 banki men iri mıkroqarjy uıymynyń reıtıńterin rastady. Bul týraly Almaty-akshamy.kz Qarjy naryǵyn retteý jáne damytý agenttigine silteme jasap habarlaıdy.
Standard & Poor's (S&P) halyqaralyq reıtıńtik agenttigi Qazaqstannyń alty banki men iri mıkroqarjy uıymynyń reıtıńterin rastady.
«Óńirde makroekonomıkalyq jáne geosaıası táýekelderdiń shıelenisýine qaramastan, Qazaqstannyń bank sektory 2022 jyly ornyqtylyǵyn kórsetti», - dep atap ótilgen S&P Global Ratings habarlamasynda.
Tutastaı alǵanda, S&P derekteri boıynsha, ekonomıkalyq sıkldarda aktıvterdiń sapasyn neǵurlym saralap basqarý kezinde bank júıesiniń turaqtylyǵy kórsetkishteriniń jaqsarǵany baıqaldy. Kredıtter boıynsha yqtımal shyǵyndarǵa arnalǵan rezervterdi qalyptastyrýǵa arnalǵan shyǵystar jáne Qazaqstan bank sektorynyń problemalyq kredıtteriniń úlesi 2015-2020 jyldary baıqalǵan deńgeıden edáýir tómen bolyp qalýda jáne aktıvter sapasynyń kórsetkishteri turaqty bolyp qalady dep kútilýde.
Qazaqstannyń bank sektorynyń eldik jáne salalyq táýekelderiniń baǵasy (Banking Industry Country Risk Assessment, BICRA) da «9»-dan «8»-ge jaqsartyldy jáne óz qyzmetin negizinen Qazaqstanda júzege asyratyn bankter reıtıńiniń bazalyq deńgeıi «b+»-ten «bb-»-ke deıin kóterildi.
Nátıjesinde myna uıymdardyń uzaq merzimdi jáne qysqa merzimdi kredıttik reıtıńteri rastaldy:
«Qazaqstan Halyq banki» AQ «BV+/B» deńgeıinde. Boljam — «Turaqty»;
«Kaspi Bank» AQ «VV/V» deńgeıinde. Boljam — «Turaqty»;
«Bank SentrKredıt» AQ «V+/V» deńgeıinde. Boljam — «Turaqty»;
«ForteBank» AQ «VV-/V» deńgeıinde. Boljam — «Turaqty»;
«Nurbank» AQ «V-/V» deńgeıinde. Boljam — «Turaqty»;
«Bank Frıdom Fınans Qazaqstan» AQ «V/V» deńgeıinde. Boljam — «Turaqty»;
Sondaı-aq «OnlaınKazFınans» mıkroqarjy uıymy» JSHS «V-/V» deńgeıinde. Boljam — «Turaqty».
Agenttiktiń málimetinshe, 2022 jyly Qazaqstannyń bank sektorynyń taza paıdasy 1,5 trln teńgeni (3,2 mlrd AQSH dollary) qurady. Bul 2021 jylmen salystyrǵanda 14%-ǵa joǵary.