1 qańtarynan bastap kúshine enedi.
Bul týraly arnaıy brıfıńte QR Ádilet vıse-mınıstri Alma Muqanova málim etti, dep habarlaıdy Almaty-akshamy.kz Inbusiness.kz silteme jasap.
Onyń aıtýynsha, elimizde zań qabyldaýdyń jańa tártibi engiziledi. Iaǵnı, aldaǵy ýaqytta quqyqtyq normalardy Májilis qabyldaıdy, Senat maquldaıdy.
Bul jańashyldyq 2023 jyldyń 1 qańtarynan bastap kúshine enedi. 61-bapqa sáıkes, bul konstıtýsıalyq zań jobalaryn da, jaı zań jobalaryn da qabyldaý rásimine qatysty bolady.
«Laýazymdy adamdarǵa ókilettikter berýdi belgileıtin QR Konstıtýsıasynyń normalary – eger QR konstıtýsıasynda basqasy kózdelmese, osy laýazymdy adamdar ókilettigi merziminiń aıaqtalýyna nemese ókilettikteriniń tolyq toqtaýyna qaraı qoldanysqa engiziledi. Mysaly, Senattaǵy Prezıdent taǵaıyndaıtyn 15 depýtat merzimi aıaqtalǵanǵa deıin óz ókilettikterin saqtaıdy. Sondaı-aq Konstıtýsıalyq sot pen Joǵary aýdıtorlyq palata normalaryna keletin bolsaq, Konstıtýsıalyq sot pen Joǵary aýdıtorlyq palata qurylǵanǵa deıin Konstıtýsıalyq keńes pen Esep komıteti óz jumysyn jalǵastyrady», – dedi Ádilet vıse-mınıstri.
Eske sala ketsek, sáýir aıynda Konstıtýsıalyq keńestiń apparat jetekshisi Baqyt Nurmuhanov endi zań qabyldaý quqyǵy Májiliske tıesili bolatynyn habarlaǵan edi. Al buǵan deıin zań jobasy tómengi palatada maquldanyp, sosyn Senat qarap qabyldaıtyn.