Álemdik ýnıversıtetter reıtıńisinde Qazaqstannan 16 joǵary oqý orny qatysyp otyr.
QS World University Rankings - 2023 (QS WUR) halyqaralyq reıtıńisiniń nátıjeleri jarıalandy, onda Abai University ótken jylǵy nátıjemen salystyrǵanda 40 tarmaqqa joǵarylap, 511-520 oryndy ıelendi. Reıtıńke barlyǵy 2462 ýnıversıtet qatysyp, onyń ishinde 1422 ýnıversıtet saralandy, dep habarlaıdy Almaty-akshamy.kz.
QS WUR reıtıńisi ýnıversıtetterdiń bedelin zertteýge baǵyttalǵan. Ádisteme 8 baǵalaý krıterııine negizdelgen, onyń 4-i boıynsha Abaı atyndaǵy QazUPÝ oń úrdis kórsetti:
- Akademıalyq bedel (Academic Reputation) - bir jyl ishinde 90 tarmaqqa kóterilip, 444 nátıjemen álemniń 500 jetekshi ýnıversıtetiniń qataryna endi.
- Jumys berýshiler arasyndaǵy bedel (Employer Reputation) - bul kórsetkish dástúrli túrde joǵary bolyp tabylady jáne 501+ deńgeıinde qaldy.
- Oqytýshylar men stýdentter sanynyń ara qatynasy (Faculty Student) - eń jaqsy kórsetkishterdiń biri - 261.
- POQ-daǵy sheteldik oqytýshylardyń úlesi (International Faculty) - bul kórsetkish 19 tarmaqqa kóterilip, 422 deńgeıge sáıkes keledi.
Qalǵan 4 krıterııge reıtıń qurastyrýshylar 601+ degen baǵa berdi, onyń ishinde damý múmkindigi bar zertteý bólimi.
- Bir oqytýshyǵa shaqqandaǵy dáıeksózder ındeksi (Citations per Faculty) 601+ quraıdy.
Bul kórsetkish ýnıversıtetterdiń ǵylymı áserin baǵalaýǵa baǵyttalǵan. Dáıeksózder zertteýlerdiń álemdik akademıalyq qoǵamdastyqta moıyndalǵanyn bildiredi. Zertteý qanshalyqty kóp dáıeksóz alsa, soǵurlym onyń álemge áseri joǵary bolady. Ýnıversıtette neǵurlym kóp silteme jasalǵan maqalalar bolsa, onyń ǵylymı yqpaly men bedeli soǵurlym joǵary bolady. Ǵylymı eńbekterdiń dáıeksóz ındeksi sońǵy 5 jyldaǵy málimetterdi eskere otyryp, Scopus (Elsevier) halyqaralyq bıblıometrıalyq derekter bazasy negizinde baǵalanady.
Aıta ketsek, Abaı ýnıversıteti 2014 jyldan bastap QS World University Rankings bedeldi reıtıńine qatysyp, birte-birte turaqty ósýdi kórsetip keledi. Aǵymdaǵy jyldyń nátıjesi boıynsha, ýnıversıtet álemniń úzdik 500 jetekshi ýnıversıtetteriniń qataryna kirýge, taǵy bir senimdi qadam jasady.