Senatta esirtki qylmysyna qatysty zańǵa engizilgen túzetýler qabyldandy. Jańa ózgerister boıynsha, «zakladchıkterge» jazany jeńildetý qarastyrylsa, esirtki óndirýshilerge qatysty jaza, kerisinshe, qataıtylmaq, dep habarlaıdy aqshamnews.kz
İshki ister mınıstriniń orynbasary Sanjar Ádilovtiń málimdeýinshe, Qazaqstandaǵy kolonıalarda shamamen tórt myń adam esirtki qylmysy úshin jazasyn ótep jatyr. Olardyń 1220-sy — esirtkini taratý ádisi retinde «zakladka» qoldanǵandar. Endi osy sanattaǵy sottalǵandarǵa shartty túrde merziminen buryn bosatylý (ÝDO) quqyǵy beriledi.
«Bul qalaı júzege asady?»
Ádilovtiń aıtýynsha, sottalǵandar jazasyn jeńildetýdi suraý úshin eki joldy paıdalana alady:
- Qujat tapsyrý arqyly jazasyn óteý ornynda ótinish berý.
- Advokattyń kómegimen arnaıy ótinish rásimdeý.
Ár ótinish jeke qaralady.
Sot ár jaǵdaıdy jeke qarastyryp, zańnyń talaptaryna sáıkes sheshim shyǵarady. Osylaısha, sottalǵandar merziminen buryn bosatylý múmkindigine ıe bolady.
Esirtki qylmysymen kúreste bul qadam zańdy izgilendirý áreketi retinde qarastyrylyp otyr. Alaıda, esirtki óndirýshilerge qatysty jaza áldeqaıda qatań bolatynyn eskergen jón.