Immýnolog, vırýsologtardyń kózqarasy boıynsha, úshinshi komponentti saldyrý qajet bolýy múmkin.
Medısına ǵylymdarynyń kandıdaty Sáýle Atyǵaevanyń aıtýynsha, Qazaqstanda koronavırýs vaksınasynyń úshinshi komponentin saldyrý máselesi qarastyrylyp jatyr. Bul týraly joǵary sanatty ınfeksıonıst dáriger OKQ-da ótken brıfıńte aıtty, dep habarlaıdy almaty-akshamy.kz
«Immýnolog, vırýsologtardyń kózqarasy boıynsha, úshinshi komponentti saldyrý qajet bolýy múmkin. Ekpe alý kezeńi jas kategorıasyna qaraı ártúrli bolýy kerek. Revaksınasıanyń qajettigi aǵzadaǵy antıdene sanyna qaraı anyqtalady. Antıdene sany birden tómen adamdarǵa revaksınasıa kerek bolýy múmkin. Bul másele talqylanyp jatyr. Aldaǵy tańda onyń jaýabyn alamyz», — dedi Sáýle Atyǵaeva.
Eske salaıyq, Izraılde 1 tamyzdan bastap vaksınanyń úshinshi dozasyn saldyrýdy bastady. Al Qazaqstanda vaksınanyń II komponentin alǵandar sany 4 mln-nan asty.