Jeńiske jetkender estelik syılyqtar alady.
Muǵalimderdiń kásibı merekesi qarsańynda QR Oqý-aǵartý mınıstrligi «Ustazyńdy quttyqta!» baıqaýyn bastady, dep habarlaıdy Almaty-akshamy.kz.
«Baıqaýǵa qazir mektepte oqyp júrgender de, sondaı-aq ustazdaryna alǵysy men tilegin bildirgisi keletin mektep bitirip ketkender de qatysa alady. Ol úshin Instagram, Facebook, TikTok áleýmettik jelilerinde #ustazdarkúni #ustazyńdyquttyqta #denýchıtelá #pozdravsvoegoýchıtelá heshtegimen mátin, foto nemese beınequttyqtaý jarıalaý qajet», - delingen Oqý-aǵartý mınıstrliginiń baspasóz qyzmetiniń habarlamasynda.
Aksıa bıylǵy 2 qazanǵa deıin jalǵasady. Baıqaý qorytyndysy 3 qazanda shyǵarylady. Eń qyzyqty, kreatıvti quttyqtaýlardyń avtorlary QR Oqý-aǵartý mınıstrliginen estelik syılyqtar alady.
«Barsha qazaqstandyqty chellendjge belsene qatysýǵa, óz muǵalimderin kásibı merekesimen quttyqtaýǵa jáne olardyń mańyzdy jáne ıgi eńbegi úshin alǵys bildirýge shaqyramyz!», - delingen mınıstrlik habarlamasynda.