Qazaqstanda týrısik ınfraqurylymdy damytý baǵytynda jumys jalǵasýda. Qazirgi ýaqytta 83 ınfraqurylymdyq joba iske asyrylyp jatyr.
Olardyń barlyǵynda jobalyq-smetalyq qujattama bar, dep habarlaıdy Almaty-akshamy.kz.
Sonymen qatar, tabıǵatty qorǵaý aýmaqtaryn qamtıtyn jobalar, atap aıtqanda – Imantaý-SHalqar kýrortty aımaǵynda avtojoldar salý jáne rekonstrýksıalaý, sondaı-aq Jasybaı kóline deıingi uzyndyǵy 15 km kirme joldy ortasha jóndeý. Jaǵajaı demalysynyń tanymaldyǵynyń artýyn eskere otyryp, mańyzdy jobalardyń biri - Abaı oblysyndaǵy Alakól kóliniń jaǵalaýyn nyǵaıtý jumystary jáne Balqash qalasyndaǵy Bertis shyǵanaǵynyń jaǵalaýyn abattandyrý. Tıisti qarjylandyrý bolǵan jaǵdaıda, bul jobalardy iske asyrý jaqyn arada josparlanyp otyr.
«Júrgizilip jatqan jumystar eldiń ınvestısıalyq tartymdylyǵyn arttyrýǵa jáne týrısik ınfraqurylymdy jaqsartýǵa arnalǵan. Eldi mekenderden tys jerlerde jáne ulttyq parkter aýmaǵynda ınfraqurylymdy damytýdyń túıindi máselelerin sheshý maqsatynda ákimdikterge tıisti quzyret berý boıynsha jumystar júrgizilýde»,-dedi Mádenıet jáne sport vıse-mınıstri Erjan Erkinbaev.
Ótken jyly 28 joba aıaqtaldy. Olardyń ishinde Balqash kýrortty aımaǵynda ınjenerlik komýnıkasıa salý jáne Aqtaý qalasynyń jyly jaǵajaıyna deıin avtomobıl jolyn salý asa mańyzdy. Úsharal men Úrjardaǵy áýejaılardyń iske qosylýy aıtýly oqıǵa boldy, ol elimizdiń áýe tasymaly múmkindikterin keńeıtti.