Bul týraly «Kazakh Tourism» UK» AQ basqarma tóraǵasy Talǵat Amanbaev aıtty.
Qazaqstanda týrısik salany memlekettik qoldaý tetikteri jetildiriledi, dep habarlaıdy Almaty-akshamy.kz QazAqparatqa silteme jasap.
QR Mádenıet jáne sport mınıstrliginiń týrızmdi damytý máseleleri jónindegi keńeıtilgen alqa otyrysynda T. Amanbaev 2021 jyly 30 sáýirde "Týrısik qyzmet týraly" jańa zań qabyldanǵanyn, onda ulttyq kompanıanyń quzyreti bekitilgenin jáne týrızm úshin memlekettik qoldaýdyń jańa yntalandyrý sharalary qarastyrylǵanyn atap ótti. Máselen, balalardyń ushaqpen tegin ushýyn sýbsıdıalaıtyn «Kids Go Free» baǵdarlamasyna Kazakh Tourism ákimshilik etedi.
Sonymen qatar, Kazakh Tourism kompanıasynyń jobalyq keńsesi erejelerin jazýǵa jáne jobalaryn bekitýge qatysqan. Budan basqa, kompanıa mınıstrliktiń front-ofısi retinde qoǵamda osy sharalardy túsindirý boıynsha aqparattyq jumys júrgizedi.
«Bıyl 1 qańtardan bastap týrısik salanyń bıznes sýbektileri úshin memlekettik qoldaýdyń barlyq sharalary iske qosyldy. Biz qazirdiń ózinde qoldaý sharalarynyń tetikterin jetildirý boıynsha óńirler men naryq arasynda keri baılanys ornattyq», - dedi Talǵat Amanbaev.
Aıta keteıik, 2021 jylǵy 30 sáýirde Prezıdent "Týrısik qyzmet týraly" zańǵa túzetýlerge qol qoıdy, onda 2022 jylǵy 1 qańtardan bastap memlekettik qoldaýdyń jańa 7 sharasy kózdelgen. Qazir Kids go free – balalardyń týrpaket aıasynda tegin ushýy baǵdarlamasyn bastaý týraly aqparat júrip jatyr.
Odan basqa, sanıtarlyq-gıgıenalyq toraptardy kútip-ustaýdy sýbsıdıalaý; avtobýstardy satyp alý kezindegi shyǵyndardy óteý bastamasy bar. Iaǵnı, týroperator, týragent nemese gıd avtobýs satyp ala alady jáne ınvestısıalyq shyǵyndardyń 25%-yn memleket óteıdi. Týrısik qyzmet nysandaryn – qonaq úılerdi, hostelderdi, kempıngterdi jáne basqa da nysandardy salý kezinde memleket ınvestısıalyq shyǵyndardyń 10%-yn óteıdi. Jol boıyndaǵy servıs obektilerin salý kezinde ınvestısıalyq shyǵyndardy sýbsıdıalaý baǵdarlamasy iske qosyldy.