2025 jyldyń 1 qańtary men 1 naýryzy aralyǵynda shetelde demalý úshin 178 myńnan astam qazaqstandyq shekara asqan, dep habarlaıdy aqshamnews.kz.
Árıne, shetelde demalýshylar qatarynyń artyp jatqanyn baıqaǵan alaıaqtar birden osy jaqtan aqsha tabýdyń jolyn izdedi. Osyǵan baılanysty shetelde demalýshy retinde baratyn bolsańyz týragenttiktermen kelisý kezinde asa muqıat bolýdy eskertedi Týrızm jáne sport mınıstrligi.
«Týrısik Qamqor» júıesiniń ákimshiligi shetelge shyǵý týrızmindegi azamattardyń quqyqtaryn qorǵaý salasyndaǵy zańnamany eske saldy. Atap aıtqanda, Qazaqstan Respýblıkasynyń Týrısik qyzmet týraly zańyna sáıkes, týrısik paket jasaý quqyǵy tek lısenzıasy bar, týroperatorlyq qyzmetti júzege asyratyn jáne júıege kepildik berýshi uıymdardyń múshesi bolyp tabylatyn týroperatorlarǵa beriledi.
«Týrısik paket týrıske týroperator tarapynan satylýy tıis. Al týrıserdi satý, keńes berý jáne júrgizý qyzmetteri tek týrısik agenttikterge júktelgen. Bul degenimiz, týrısik agenttik ózdiginen týrısik paket jasaýmen aınalysa almaıdy», – delingen habarlamada.
Mınıstrlik azamattardy muqıat bolýǵa jáne tek resmı týroperatorlar men týrısik agenttikterdiń qyzmetterine senýge shaqyrady.