Búgin Astanada Túrikmenstannyń Qazaqstandaǵy mádenıet kúnderi bastaldy.
Túrikmen aqyny Maqtymquly Pyraǵynyń «At ısların» shyǵarmasyna negizdelgen rejıser Arslan Eýeberdıevtiń «Istarán» kórkem fılminiń kórsetilimi boldy, dep habarlaıdy Almaty-akshamy.kz El.kz aqparat agenttigi.
Saltanatty ashylýǵa eki eldiń memlekettik organdarynyń ókilderi, shyǵarmashylyq jáne ǵylym salasyndaǵy zıalylar, sondaı-aq qoǵam qaıratkerleri qatysty.
Mádenıet jáne aqparat vıse-mınıstri Erbol Áliqulov óz sózinde Maqtymquly Pyraǵynyń aıshyqty orynyn atap ótip, onyń rýhanı murasy kúlli túrki álemindegi dostyq pen beıbitshilikti nasıhat etetinin atap ótti.
Erteń mádenıet kúnderi aıasynda QR Ulttyq akademıalyq kitaphanasynda Túrikmenstan Prezıdenti Serdar Berdimuhamedovtyń «Maqtymquly» kitabynyń tusaýkeseri ótedi. Sol kúni Qalıbek Qýanyshbaev atyndaǵy Qazaq ulttyq mýzykalyq drama teatrynda Túrikmenstannyń halyqtyq qoldanbaly óneri men murajaı qundylyqtarynyń kórmesi jáne gala-konsert ótedi.
Sársenbide rejıser Hekim Alavovtyń «Qyzyl alma» kórkem fılminiń kórsetilimi, «Aqylgóı» monospektakliniń qoıylymy jáne Túrikmenstan ulttyq kıimderiniń kórsetilimi ótedi.
27 maýsymda eki eldiń ónerpazdary Gala-konsertte óner kórsetip, mádenıet kúnderin aıaqtaıdy.
Aıta keteıik, Qazaqstandaǵy Túrikmenstan mádenı kúnderi – Túrikmenstannyń baı mádenı murasymen tanysýdyń biregeı múmkindigi.