Qazaqstanda esirtkige qarsy kúres aıasynda sońǵy tórt aıda shamamen 3,5 tonna esirtki zaty tárkilendi. Bul týraly Aqshamnews.kz saıty habarlaıdy.
Qazaqstan Respýblıkasy İshki ister mınıstrliginiń (İİM) málimetinshe, tórt aı ishinde el aýmaǵynda úsh myńǵa jýyq esirtki quqyq buzýshylyǵy tirkelgen. Onyń ishinde 828 esirtki satý faktisi anyqtaldy. Zańsyz aınalymnan tárkilengen esirtkilerdiń jalpy salmaǵy shamamen 3,5 tonnany quraıdy, onyń ishinde:
-
259 kg sıntetıkalyq esirtki;
-
eki tonnaǵa jýyq marıhýana;
-
303 kg gashısh.
Sonymen qatar, quqyq qorǵaý organdary alty tonnaǵa jýyq prekýrsordy tárkilep, 83 esirtki zerthanasyn joıdy.
İİM Esirtki qylmysyna qarsy is-qımyl komıteti tóraǵasynyń mindetin atqarýshy Danıar Meıirhannyń aıtýynsha, esirtki qylmysyna qatysy bar 20 uıymdasqan qylmystyq toptyń joly kesilgen. Quqyq qorǵaýshylar 1783 adamdy ustady, onyń ishinde 669 adam qamaýǵa alyndy.
Esirtki taratýda ınternettiń belsendi qoldanylýy da nazarda. İİM málimetinshe, zańsyz kontenti bar 11 myńnan astam saıt buǵattaldy. Sonymen qatar, 1 mlrd teńgeden astam somaǵa 12 myń bank kartasy men shot toqtatyldy. Bul sharalar onlaın esirtki saýdasynyń jolyn kesý maqsatynda júrgizildi.
İİM ókilderi esirtki qylmysyna qarsy kúresti kúsheıtýge nıetti. Danıar Meıirhannyń aıtýynsha, elde esirtkini óndirý jáne taratýǵa qarsy aýqymdy operasıalar áli de jalǵasyn tabady. Quqyq qorǵaý organdary esirtkimen baılanysty qylmystardyń aldyn alý, zańsyz aınalymdy joıý jáne halyqtyń qaýipsizdigin qamtamasyz etý maqsatynda belsendi jumys júrgizýde.