Almatyda Reseı, Ózbekstan, Qyrǵyzstannan kelgen ǵalymdar kezdesti.
Qazaqstanda tońazytqysh jáne aýa baptaý júıelerin damytý qolǵa alynbaq, dep habarlaıdy Almaty-akshamy.kz Almaty.tv silteme jasap.
Óıtkeni elde salynyp jatqan túrli ǵımarattarǵa jylytqysh pen salqyndatqysh ornatý qajettiligi arta bastaǵan. "Sondyqtan bul salada sheteldikterge telmirmeı, otandyq mamandardy daıarlaý qajet", - deıdi ǵalymdar. Degenmen kásibı kadrlarmen birlese tájirıbe almasý da asa mańyzdy. Búgin Almatyda Reseı, Ózbekstan, Qyrǵyzstannan kelgen ǵalymdar kezdesip, aýany jylytý jáne salqyndatý tehnologıasyn talqylady. Aıta keteıin, bıyl alǵash ret Almaty tehnologıalyq ýnıversıtetinde osy mamandyqty úıretetin arnaıy fakúltet ashyldy.
«Bul erekshe konferensıa der edim. Sebebi, munda ǵylym - bilim - bıznes - óndiris syzbasy negizinde qurylǵan. Maqsatymyz – ǵylym men bıznesti bir-birimen etene baılanystyrý. Iaǵnı, ǵylymı jumystardyń kásipte qoldanysqa jaraýy mańyzdy. Búgingi sharaǵa TMD elderi ǵana emes, sheteldik mamandar da qatysyp otyr. Pandemıaǵa baılanysty byltyr kezdesý múmkin bolmady. Tájirıbelermen bólisý úshin 7 seriktes kompanıa keldi», – dedi Qazaqstannyń tońazytqysh ónerkásibi qaýymdastyǵynyń prezıdenti Aleksandr Soı.