Internet arqyly bılet alýshylardyń kórsetkishi 70% jetken.
Temir jol bıletterin ınternet arqyly alatyn qazaqstandyqtar sany artty, dep habarlaıdy Almaty-akshamy.kz.
«Búgingi tańda qazaqstandyqtar temirjol bıletteriniń 70 paıyzyn ınternet arqyly satyp alady. Bul kórsetkish ótken jylmen salystyrǵanda 16 paıyzǵa artqan. Jol júrý qujattarynyń onlaın-satylymy, ásirese karantındik shekteýler alynyp tastalǵannan keıin aıtarlyqtaı ósken»,- delingen Indýstrıa jáne ınfraqurylymdyq damý mınıstrliginiń baspasóz qyzmetiniń habarlamasynda.
Aıta keterligi, 2019 jylǵy shilde aıynan bastap ulttyq tasymaldaýshy kompanıa temirjol bıletterin satýdy tolyǵymen «Mobıýs» elektrondy júıesine aýystyrdy. Bul bastama óz kezeginde ótkizý arnalaryn aıtarlyqtaı keńeıtýge múmkindik berip, azamattar úshin bıletterdi satyp alý sharttaryn jaqsartýǵa áser etti.
Qazirgi kúnde jol júrý qujattary «QTJ» UK» AQ-na tıesili bılet kasalary (164 kasa (ońtaılandyrýdy eskere otyryp), 3 myń kasa agenttikteri men poshta bólimsheleri, 15 ınternet saıt pen mobıldik qosymshalar (onyń ishinde bilet.railways.kz saıty men «QTJ bıletteri» mobıldik qosymshasy) jáne 30 myń ózine-ózi qyzmet kórsetý avtomattary arqyly satylymǵa shyǵarylady.
Sonymen qatar birneshe ret bir úlgide suraý salý (oryn ustaý maqsatynda) kezinde júıeni paıdalanýshyny buǵattaý esebinen júıeli túrde bıletterdi qaıta satý faktilerin sondaı-aq tutynýshyǵa brondalǵan oryndar faktisi týraly sms-habarlamany rastaı otyryp, «Kútý paraǵy» boıynsha kezektilik tártibimen jol júrý qujattaryn satyp alýǵa tosqaýyl qoıý maqsatynda keshendi sharalar qabyldandy.
2022 jyldyń alǵashqy tórt aıynda «Kútý paraǵy» qyzmeti arqyly 18 myńnan astam bılet rásimdelgen. Bul kórsetkish ótken jyldyń sáıkes kezeńimen salystyrǵanda 3,5 ese kóp.