Ónerkásip – Qazaqstan ekonomıkasynyń basym baǵyty, onyń damýyna kólik yqpal etedi. Qyzmet kórsetý rólin atqara otyryp, logıstıka júıesine kiretin temirjoldar el ekonomıkasyna jumys isteıdi, dedi birinshi vıse-premer Roman Sklár Primeminister.kz saıtyna bergen suhbatynda.
«Qazir bizde ártúrli ónim túrlerine tarıfterdiń 11 túri bar, atap aıtsaq: áleýmettik mańyzy bar taýarlar, kómir tasymaldaý, astyq tasymaldaý jáne basqalary. Bizdiń tarıfter kórshi memleketterge qaraǵanda shamamen 2 ese tómen ekenin aıta ketken jón», — dedi Roman Sklár.
Birinshi vıse-premer «Qazaqstan temir joly» kásipornynan artyq tabys alý kútilip otyrmaǵanyn jáne memleket óz tarapynan «uzaq merzimge nesıeler», tikeleı búdjettik qarjylandyrý, jeke salymdar arqyly temirjol ınfraqurylymyn ınvestısıamen qamtamasyz etetinin málimdedi. Degenmen, temirjoldar ózin-ózi qamtamasyz etýi kerek jáne bul teńgerimdi saqtaý mańyzdy.