Qazaqstan Respýblıkasynyń İshki ister mınıstrligi tehnıkalyq qarasorany ónerkásiptik kólemde ósirýge resmı túrde ruqsat beriletinin jarıalady, dep habarlaıdy aqshamnews.kz
Mınıstrdiń orynbasary Sanjar Ádilovtiń aıtýynsha, bul bastama esirtkige qatysy joq, kerisinshe óndiristik, medısınalyq, qurylys jáne toqyma salalaryna qajet shıkizat óndirýge baǵyttalǵan.
Qarasora — bul óndiristik shıkizat
Sanjar Ádilov naqtylap ótti:
-
«Bul — esirtki emes, bul — shıkizat»
-
Ósiriletin tehnıkalyq konopládaǵy TGK mólsheri (esirtkilik áser etýshi komponent) nebári 0,1–0,3%
-
Júıe qatań baqylaýda bolady: egin sebýden bastap, sońǵy talshyǵyna deıin
Lısenzıalar berilip jatyr
Qazirgi ýaqytta Qazaqstanda 4 kásiporynǵa lısenzıa berilgen, onyń biri — Qostanaı oblysynda ornalasqan, TGK-syz, tolyqtaı qaýipsiz «nóldik» qarasora ósiretin agrokeshen. Bul kásiporyn memlekettik standarttarǵa (GOST) tolyq sáıkes jumys isteıdi.
Qarasora qaıda qoldanylady?
Ónerkásiptik qarasora:
-
Toqyma óndirisinde (arqan, mata, kıim)
-
Qurylys salasynda (eko-blok, ızolásıa materıaldary)
-
Medısınada (tabıǵı emdik komponentter)
-
Qorǵanys ónerkásibinde de paıdalanylady
Búgingi tańda kóptegen memleketter qarasorany ekologıalyq jáne únemdi shıkizat retinde keńinen qoldanýda.
málimdedi:
«Bul ónimniń nashaqorlyqqa esh qatysy joq. Munda esirtkilik áser beretin zattar joq. Sondyqtan bul narkomandarǵa arnalǵan taýar emes», -dedi Sanjar Ádilov.
Qazaqstanda tehnıkalyq konoplány zańdastyrý — ekonomıkany ártaraptandyrý, ekologıalyq taza óndiristi damytý jáne jańa jumys oryndaryn qurý baǵytyndaǵy qadam retinde qarastyrylyp otyr.