Bul joba aıasynda elde jasyl tehnologıalar salasynda bıznes ashyp, jumys oryndaryn qurýdy qoldaý kózdelgen.
Iaǵnı, konkýrs jarıalanyp, taza tehnologıalar baǵytyndaǵy startaptar iriktelip alynady, dep habarlaıdy Almaty-akshamy.kz 24.kz-ke silteme jasap.
Keıin bul jobalardyń halyqaralyq deńgeıge deıin shyǵarý úshin tıisti jumystar atqarylmaq.
Aıta ketý kerek, jahandyq ekologıalyq qor bul maqsatqa 1 mln 400 myń dollar tóńireginde qarjy bólgen. Atalǵan aqshanyń barlyǵy 3 jyldyń ishinde startap jobalardyń álemdik deńgeıge shyǵýyna qoldaý kórsetý úshin jumsalatyn bolady. Bul aralyqta 100-den astam jobany iriktep alý josparlanǵan.
«Akselerasıa deımiz, oqytýdan ótetin bolady. Biraq oǵan barlyq startaptar óte almaıdy. Ol úshin arnaıy kokýrstar uıymdastyrylady. Konkýrstarǵa ózderiniń jobalaryn usynǵan startaptar irikteý kezeńinen ótetin bolady. İrikteý 7 kezeńnen turady. Onyń ishinde qaldyqtar, sý resýrstary, enregıa únemdeý, klımattyń ózgerýi syndy baǵytta jobalaryn usynǵan startaptar bolady», - dedi Halyqaralyq jasyl tehnologıalar jáne ınvestısıalyq jobalar ortalyǵynyń ókili Indıra Jumageldi.