Ózgerister 11 shildeden bastap qoldanysqa enedi.
Qazaqstanda taýarlardyń ımporty kezinde qosylǵan qun salyǵynan bosatýdy qoldaný sharttary ózgerdi. Bul týraly Memlekettik kirister komıteti málimdedi, dep habarlaıdy Almaty-akshamy.kz Egemen.kz silteme jasap.
«Engizilgen ózgerister janama salyqtardy tóleý merzimi ózgertilgen jáne talaptary oryndalǵan taýarlardyń ımporty kezinde qosylǵan qun salyǵynan bosatýdy qoldanatyn tulǵalar qataryn keńeıtedi. Endi bundaı tulǵalar qataryna ýákiletti ekonomıkalyq operatorlar engizildi. Sondaı-aq kólik quraldarynyń júk bólimine elektrondyq sáıkestendirgishterdi (navıgasıalyq plombalardy) ornatýdy mindetteıtin sharttar alynyp tastaldy»,- delingen vedomstvo habarlamasynda.
Komıtet EAEO-qa múshe memleketter aýmaǵyna odan ári eksporttaýǵa arnalǵan taýarlardy qosylǵan qun salyǵynan bosatýǵa múmkindik beretin jańa shart paıda bolǵanyn da málimdedi.
Taýarlardy ákelý týraly ótinishte (1-bólimi kestesiniń 6-baǵanynda) jáne elektrondyq shot-faktýrada (8-baǵanynyń G bóliminde) kórsetilgen taýar quny taýarlar deklarasıasynda (45-baǵanynda) kórsetilgen taýar qunynan tómen bolmasa, qosylǵan qun salyǵynan bosatýǵa bolady.