Ol sý tasqynyn boljaýǵa jáne modeldeýge múmkindik bermek.
Memleket basshysynyń tapsyrmasy boıynsha elimizde sý tasqynyn boljaýǵa jáne modeldeýge arnalǵan «Tasqyn» aqparattyq júıesi ázirlenýde. Júıe tótenshe jaǵdaılardyń aldyn alýǵa jáne strategıalyq sheshimder qabyldaý úshin tıisti boljamdar jasaýǵa múmkindik beredi, dep habarlaıdy aqshamnews.kz cala mınıstrligine silteme jasap.
Aqparattyq júıeni Sıfrlyq damý, ınovasıalar jáne aeroǵarysh ónerkásibi mınıstrligi Sý resýrstary jáne ırrıgasıa, Ekologıa jáne tabıǵı resýrstar, Tótenshe jaǵdaılar mınıstrlikterimen birlesip jasap jatyr.
Búgingi tańda sý tasqynyn boljaý jáne modeldeý ádistemesi ázirlenip, bekitildi. Ádisteme boıynsha ýákiletti organdar aqparattyq júıege sý qoımalaryndaǵy sý deńgeıi, sý jiberý kólemi, gıdrometeo boljam syndy málimetterdi engizedi. Jınaqtalǵan derekter negizinde júıe sý tasqynynyń yqtımal senarılerin modeldeıdi.
«Tasqyn» aqparattyq júıesin osy jyldyń sońyna deıin iske qosý josparlanyp otyr.
«Sý resýrstary jáne ırrıgasıa mınıstrligi jedel sý bólýdi júzege asyrý úshin jáne sý qoımalary men sý sharýashylyǵy júıeleriniń sý resýrstaryn paıdalaný rejımderine taldaý jáne túzetý maqsatynda jedel jáne boljamdy sý sharýashylyǵy balansy esebin reglamentteıdi. Aıta ketý kerek, sý shyǵynyn boljaý - gıdrotehnıkalyq qurylystardan sý jiberýdi retteý jáne qolaısyz gıdrometeorologıalyq jaǵdaıda qorshaǵan ortaǵa júktemeni azaıtý boıynsha shuǵyl is-sharalardy qabyldaý úshin asa mańyzdy»,- dedi Sý resýrstary jáne ırrıgasıa vıse-mınıstri Aslan Abdraımov.