Aýyzashar berýge ruqsat etildi.
Oraza - aılardyń sultany. Duǵa-tilekterdiń qabyl bolyp, saýaptyń eselenetin ýaqyty. Osylaı degen Almaty qalasynyń bas ımamy Tólebı Ospan barsha musylman jurtyn quttyqtap, Ramazanda nıet etip, oraza ustaıtyn jamaǵatqa qajetti málimetterdi bólisti, dep habarlaıdy Almaty-akshamy.kz Almaty.tv silteme jasap.
Bas ımamnyń aıtýynsha, Qazaqstan musylmandar dinı basqarmasynyń sheshimimen, bıylǵy orazada taraýıh namazyn jamaǵatpen oqýǵa jáne kóptiń basyn qosyp, aýyzashar berýge ruqsat etildi.
«Búgin eki jyldyq úzilisten keıin jamaǵat taraýıh namazyna qaıta sap túzeıin dep otyr. Bul sátti musylmandar asyǵa kútip otyr. Amandyq berse, búgin keshke Qazaqstannyń búkil meshitinde taraýıh namazy bastalady. Bul – Ramazan aıyna ǵana tán namaz. Odan bólek, aýyzashar berýge nıetti kisiler qanshama musylman jamaǵatyna dastarhan jaıatyn bolady», – dedi Almaty qalasynyń bas ımamy Tólebı Ospan.