Ótken jyldyń qyrkúıeginde Qazaqstandaǵy joǵary oqý oryndarynda 592,7 myń stýdent bilim alyp, bul aldyńǵy jylmen salystyrǵanda 2,5%-ǵa kóp boldy, dep habarlaıdy aqshamnews.kz.
Bir jyl ishinde qabyldanǵan stýdentter sany 5%-ǵa ósip, 171,7 myń adamǵa jetkenimen, túlekter sany 3%-ǵa azaıyp, 157,7 myń adamdy qurady.
"Ótken oqý jylynda qabyldanǵan barlyq stýdentterdiń ishinde 68,2 myń adam memlekettik bilim granttary esebinen oqysa, 98,8 myń adam aqyly negizde bilim aldy", – dep qosty sarapshylar.
Stýdentterdiń oqýyn aıaqtamaı ketýiniń negizgi sebepteriniń biri – oqý qunynyń ósýi. Ashyq derekterge sáıkes, 2010 jyldan bastap bakalavrıatta oqý jylyna ketetin shyǵyn eki eseden astam ósken – 450 myń teńgeden 1,1 mıllıon teńgege deıin.
"Kóbinese stýdentter oqý oryndaryn óz erkimen tastap ketken: 18,7 myń adam, jyldyq qysqarý – 2,9%. Eń jıi kezdesetin sebepterdiń qatarynda basqa oqý oryndaryna aýysý (13,4 myń adam, 27,5%-ǵa ósý) jáne úlgermeýshilik (11,8 myń adam, 1%-ǵa ósý) bar", – dep atap ótti sarapshylar.