Estonıalyq Bolt kompanıasy Qazaqstanmen taksı salasynda yntymaqtastyq ornatý máselesin qarastyrýda. Bul týraly Kólik mınıstri Marat Qarabaev málimdedi, dep habarlaıdy aqshamnews.kz
Mınıstrdiń aıtýynsha, Qazaqstanda taksı salasynda básekelestik orta qalyptasqan. Ol taksı qyzmetteriniń ishinen tek Iandeks pen InDriver-dy atady. InDriver negizinen qalalyq saparlarǵa, al Iandeks - oblysaralyq saparlarǵa baǵyttalǵan.
Qazaqstanda basqa agregatorlardyń paıda bolý múmkindigi týraly suraqqa jaýap bere otyryp, Qarabaev bul máseleniń talqylanyp jatqanyn aıtty.
«Iá, basqa halyqaralyq agregatorlardyń qyzyǵýshylyǵy bar. Mysaly, bizge Bolt kompanıasy júgindi. Bul - Estonıalyq kompanıa jáne Eýropada óte tanymal, Iandekstiń Eýropadaǵy balamasy ispettes. Olar bizdiń naryqqa qyzyǵýshylyq tanytty. Eger osy kompanıamen mashınalardy iske qosý týraly sheshim qabyldansa, biz árqashan qoldaýǵa daıynbyz», - dedi Marat Qarabaev.
Mınıstrdiń aıtýynsha, taksı salasyndaǵy kez kelgen básekelestik sońǵy qyzmet baǵasynyń tómendeýine ákeledi.