«Qazaqstan stýdentteriniń alánsy» respýblıkalyq qozǵalysynyń jetekshisi İlıas Tústikbaev stýdentter kúnin resmı túrde bekitýdi usyndy.
Bilim jáne ǵylym mınıstri Asqat Aımaǵambetovpen bolǵan kezdesý kezinde stýdenttik alánstyń basshysy jańa meıramdy 14 sáýirge belgileý qajettigin aıtty, dep habarlaıdy Almaty-akshamy.kz
Kezdesýge qatysqan bilim jáne ǵylym mınıstri Asqat Aımaǵambetov aláns usynysyna qatysty pikir bildirgen joq.
«Biz 17 qarasha kúni kezdesip turamyz. Ol kúni álem boıynsha halyqaralyq stýdentter kúni atalyp ótedi. Al kórshi Reseıde stýdentter kúni 25 qańtarda toılanady. Sebebi Reseı prezıdenti osy meıramdy arnaıy qaýlymen bekitken. Al Qazaqstanda ondaı data joq. Osyǵan baılanysty 14 sáýirdi resmı túrde Qazaqstan stýdenti kúni retinde bekitip, jyl saıyn atap ótýdi usynamyz», - dedi Tústikbaev.
Onyń aıtýynsha, stýdentterdiń bólek meıramyn bekitýdiń nátıjesinde jastardyń birligi kúsheıe túsedi. Olar tól meıramynda kezdesip, tyǵyz aralasady. Jastardyń patrıotızmi de artady.