El namysyn qorǵaıtyn sportshylar ánurandy jatqa bilýi kerek, dep habarlaıdy aqshamnews.kz
Buǵan qosa, ony oryndaý kezinde etıkalyq normalardy saqtaýǵa mindetti. Bul jaýapkershilik jeke jattyqtyrýshylar men bas bapkerlerge júkteledi.
Týrızm jáne sport mınıstrligi sporttyq etıkaǵa qatysty jańa tártipterdi bekitti. Vedomstvo basshysynyń buıryǵyna sáıkes, endi sportshylar memlekettik rámizderge erekshe qurmetpen qaraýy qajet. Buǵan qosa, qoǵamdyq orynda mas kúıinde júrýge, beıádep sózder aıtýǵa jáne ym-ısharany qoldanýǵa tyıym salynady. Dinı nanymdaryn ashyq nasıhattaý, ózgelerdi dinı birlestikterdiń jumysyna nemese mısıonerlik áreketke májbúrleýge de shekteý qoıylǵan.
Jańa redaksıada qabyldanǵan qujatta tóreshi sheshimine qarsy kelmeý, jarıa túrde daý týdyrmaý, sporttyq bedelge nuqsan keltirmeý, BAQ ókilderiniń jumysyna qurmetpen qaraý sıaqty tetikter bar. Atalǵan buıryq 19 shildeden bastap kúshine enedi.