Aldaǵy jylytý maýsymyna daıyndyq aıasynda Almatyda ınjenerlik jelilerdi josparly túrde qaıta jańartý jalǵasýda.
Osyǵan baılanysty qalanyń eki aýdanynda avtokólik qozǵalysy eki baǵytta da ýaqytsha jabylady — 2025 jyly 11 shilde saǵat 22:00-den 14 shilde saǵat 06:00-ge deıin:
- Naýryzbaı aýdanynda — Raıymbek dańǵylynan Bazarbaı Jýmanıazov kóshesine deıin Áshimov kóshesinde 521 metr qubyr aýystyrylady;
- Túrksib aýdanynda — Súıinbaı dańǵylynan Maılın kóshesine deıin Bekmahanov kóshesinde 2 shaqyrym jylý jelisi aýystyrylady.
Ýaqytsha shekteýler joldyń osy ýchaskeleriniń astynan ótetin magıstraldyq qubyrlardy josparly túrde qaıta jańartý jumystarynyń qaýipsizdigin qamtamasyz etý úshin engiziledi.
Bıyl paıdalanýǵa 1965 jáne 1984 jyldary berilgen jylý jelilerin aýystyrý josparlanyp otyr. Bul Naýryzbaı aýdanyndaǵy 4 kópqabatty úıdi, bir aýrýhanany jáne 2 jeke turǵyn úıdi, sondaı-aq, Túrksib aýdanyndaǵy 42 kópqabatty úıdi, bir balabaqshany, bir emhanany jáne taǵy 4 nysandy qysqy ýaqytta turaqty jylýmen qamtamasyz etýge múmkindik beredi.
Qaıta jańartý jumystary júrgizilgen kezde tutynýshylarǵa ystyq sý berý toqtatylmaıdy.
Jalpy, bıyl qala boıynsha 39 shaqyrym jylý jelisin jańartý josparlanǵan. Bul tozý deńgeıin 54%-ǵa deıin tómendetedi.
Esterińizge sala keteıik, kólik qozǵalysyn shekteý týraly barlyq aqparat Almaty.kz saıtynda, @AlmatyJoly Telegram arnasynda, aýdan ákimdikteri men basqarmalardyń áleýmettik jelilerinde, sondaı-aq. «2GIS» jáne «Iandeks kartalar» servısterinde jarıalanǵan.
Ýaqytsha qolaısyzdyqqa túsinistikpen qaraýlaryńyzdy suraımyz.