QR Prezıdenti janyndaǵy Ortalyq komýnıkasıalar qyzmetinde "Jer resýrstaryn utymdy paıdalanýdy baqylaý" taqyrybynda baspasóz konferensıasy ótti.
QR ASHM Jer resýrstaryn basqarý komıtetiniń tóraǵasy Murat Temirjanov Prezıdent Qasym-Jomart Toqaevtyń jerdi qaıtarý jónindegi tapsyrmasyn oryndaý aıasynda atqarylǵan jumystardyń qorytyndylaryn aıtty. Memleket basshysy óziniń 2022 jylǵy qyrkúıektegi Joldaýynda 10 mln ga paıdalanylmaǵan nemese zańnamany buza otyryp berilgen jerlerdi qaıtarý mindetin qoıdy. Memlekettik qorǵa 12,1 mln ga jer qaıtaryldy. 9,4 mln ga alańda 4 731 jospardan tys tekserý júrgizildi.
"Negizgi máseleleridiń biri-jerdiń degradasıasy. Búgingi tańda shamamen 30 mıllıon ga erozıadan jáne basqa da jaǵymsyz prosesterden jer degradasıaǵa ushyraǵan. Osy baǵytta jumys isteý úshin biryńǵaı topyraq klasterlik qyzmeti quryldy.
205 mln gektar alqapta sıfrlyq aýyl sharýashylyǵy kartalaryn jasaý boıynsha jumystar aıaqtaldy.
Sonymen qatar, 2024 jyly Parlamentke topyraqty qorǵaý týraly zań jobasy jiberildi, ol jerdiń sapasyn saqtaý jáne onyń tozýyn boldyrmaý jónindegi memlekettik saıasattyń negizderin belgileıdi", - dedi.
Sonymen qatar, spıker úsh jyl ishinde jer resýrstaryn utymdy paıdalanýǵa baǵyttalǵan aýqymdy jumys atqarylǵanyn atap ótti.
Zańnamalyq sharalar qabyldandy, topyraq jáne geobotanıkalyq zertteýler aıaqtaldy, sondaı-aq aýyl sharýashylyǵy alqaptarynyń sıfrlyq derekqory quryldy.
Bul baǵyttaǵy jumys jalǵasatyn bolady. Jerdiń degradasıasyna qarsy kúres, kómirtekti sharýashylyqty damytý, ınovasıalyq tehnologıalardy engizý jáne halyqaralyq yntymaqtastyqty nyǵaıtý basym mindetter bolyp qala beredi.