Qazaqstanda qaryzdardy óndirip alý boıynsha avtomattandyrylǵan júıe – sot oryndaýshy roboty iske qosyldy, dep habarlaıdy aqshamnews.kz.
Bul júıe jeke sot oryndaýshylardyń (JSO) qyzmet aqysyn tóleýge ketetin qosymsha shyǵyndardan qutylýǵa múmkindik beredi. Bul týraly óńirlik komýnıkasıalar qyzmetiniń baspasóz konferensıasynda Ádilet departamentiniń basshysy Balaım Kesebaeva málimdedi.
«2024 jyldyń tamyz aıynda iske qosylǵan sátten bastap 2,2 mıllıard teńge somasyna 109 myń atqarýshylyq is qozǵaldy. Jeke sot oryndaýshylardyń qyzmet aqysyn tóleýden bas tartýdyń arqasynda azamattar 550 mıllıon teńge únemdedi, al jyldyq únemdeý 5 mıllıard teńgege deıin jetedi dep kútilýde», – dedi Balaım Kesebaeva.
Buryn atqarýshylyq is qozǵalǵan kezde boryshkerler JSO qyzmetin qosymsha tóleýge májbúr bolatyn, bul qaryz somasynyń 25%-yna deıin jetetin. Endi bul proses tolyq avtomattandyrylǵan: azamattar 5 kún ishinde aıyppuldarsyz jáne sot oryndaýshylaryna barmaı-aq qaryzyn óz erkimen óteı alady.
Robot avtomatty túrde atqarýshylyq is qozǵaıdy jáne boryshkerlerdi SMS (1414) jáne EGov Mobile qosymshasyndaǵy push-habarlamalar arqyly habardar etedi. Eger qaryz ótelmese, júıe tek bir ǵana bank shotyna tyıym salady, al buryn JSO boryshkerdiń barlyq shottaryn buǵattaıtyn.
Sıfrlyq sot oryndaýshysynyń negizgi artyqshylyqtaryna JSO qyzmet aqysyn tolyq joıý, boryshkerlerge onlaın júıeler arqyly avtomatty habarlama jiberý, qaryzdy onlaın tóleý arqyly shekteýlerdi lezde alý, sondaı-aq qaryz óndirip alý prosesinen adamı faktordy alyp tastaý jatady.