Mundaı portaldar álemniń kóptegen elinde sátti iske qosylyp, jumys istep jatyr.
Elordada transshekaralyq saýda rásimderine qatysty qadamdyq aqparatty usynatyn saýda portaly resmı iske qosyldy. Osylaısha, portal saýda rásimderiniń bıznes ókilderine qoljetimdiligin qamtamasyz etedi, dep habarlaıdy Almaty-akshamy.kz Baq.kz cilteme jasap.
«Otandyq eksporttyń 80%-y shaǵyn jáne orta bıznes sýbektileriniń kásiporyndaryna baǵyttalǵanyn aıta ketken jón. Olar kóp jaǵdaıda naryqqa shyqqan kezde kedergilermen betpe-bet kelip jatady. Ári saýda prosedýrasyn túsindirýge muqtaj. Mundaı portaldar álemniń kóptegen elinde sátti iske qosylyp, jumys istep jatyr. Sonymen qatar bıznestiń ádildigin qamtamasyz etý jolymen shaǵyn kásipkerliktiń básekege qabilettiligin arttyrýǵa úles qosýda. Sońǵy eki jylda ujym bolyp úlken jumys atqaryldy», - dedi portaldyń ashylý rásiminde sóz alǵan Premer-mınıstrdiń orynbasary-Qarjy mınıstri Erulan Jamaýbaev.
Aıtýynsha, portal agrarlyq azyq-túlik sektoryna basa nazar aýdara otyryp, shekara arqyly satylatyn 50-den astam taýar túrin qamtıdy.
«Syrtqy ekonomıkalyq qyzmettiń qatysýshylary ımport jáne eksportpen baılanysty erejeler men prosedýralarǵa tikeleı qoljetimdilikke ıe bolady. Biz úshin saýda portaly otandyq bıznesti damytýda keri baılanys ornatý ortalyǵyna aınalady. Atalǵan baǵyttaǵy jumysqa bıznes qaýymdastyq belsendi aralasady dep úmittenemin», - dep atap ótti mınıstr.