Talqy!
Elimizde koronavırýs indetimen kúreste qaıta vaksınalasıalaý máselesi qaralyp jatyr, dep habarlaıdy Almaty-akshamy.kz.
Bul týraly QR Densaýlyq saqtaý mınıstri Alekseı Soı málim etti.
«Revaksınasıa - qazir álem elderiniń aldynda turǵan máseleniń biri. Búginde elimizde sanepıdemqyzmettiń mamandary, ǵalymdar men dárigerlerden qurylǵan jumys toby quryldy. Óz kezegimizde jetekshi halyqaralyq agenttikter men Dúnıejúzilik densaýlyq saqtaý uıymynan aqparat surattyq. Halyqaralyq tájirıbe nazardan tys qalmaıdy. Taǵy bir jaıt, qazirgi ýaqytta revaksınasıaǵa qatysty naqty krıterııler joq, óıtkeni COVID-19 revaksınasıasy - bul jańa dúnıe. Barlyq derekterdi jınaqtap, ımmýndaý jónindegi konsýltatıvtik komısıanyń qorytyndysynan keıin revaksınasıa týraly jalpy jurtshylyqqa naqty aqparat beriletin bolady», - dedi Alekseı Soı QR Úkimeti úıinde ótken baspasóz máslıhatynda.
Mınıstrdiń aıtýynsha, qajet jaǵdaıda revaksınasıaǵa elimizdiń medısınalyq nysandary men mamandary tolyq daıyn.