Epıdemıologıalyq jaǵdaı jaqsarýda
Qazaqstanda epıdemıologıalyq jaǵdaı jaqsaryp keledi. Búgingi epıdjaǵdaı týraly elimizdiń Densaýlyq saqtaý mınıstri Alekseı Soı aıtyp berdi, dep habarlaıdy Almaty-akshamy.kz.
QR Densaýlyq saqtaý mınıstri Alekseı Soı eldegi epıdahýalǵa qatysty pikirin bildirdi.
«Qazaqstandyqtar koronavırýs dáýirinde ómir súrip jatqanyn túsiný kerek. Qazirgi ýaqytta 6 mıllıonnan astam qazaqstandyq tolyq vaksına aldy. Búginde halyqtyń belgili bir bóliginde ımýndyq qabilet jaqsaryp, sáıkesinshe, epıdjaǵdaı jaqsaryp keledi», - dedi A. Soı Úkimet úıinde ótken baspasóz máslıhatynda. Sondaı-aq, mınıstr elimizde saltanatty is-shara ótkizýge ruqsat berýge qatysty óz pikirin bildirdi. «Epıdahýal jáne daǵdarys kezinde bıznesti qoldaý, olardyń qaýipsizdigin qamtý mańyzdy. Toı-dýman ótkizýge ruqsat berilgenimen, onyń naqty talaby baryn umytpaǵan jón. Ol talaptardyń saqtalýyn sanıtarlyq-epıdemıologıalyq baqylaý qyzmeti qadaǵalaıtyn bolady. Osy oraıda bıznes ókilderin karantın talaptaryn jumsartýymyzǵa túsinistik tanytyp, jumys barysynda ortaq erejeni qatań saqtaýǵa shaqyramyz», - deıdi ol.