Memleket basshysy Qasym-Jomart Toqaev 4 mamyr kúni Qazaqstan Respýblıkasynyń ákimshilik-aýmaqtyq qurylysynyń keıbir máseleleri týraly Jarlyqqa qol qoıǵan edi. Onda jańadan úsh oblys qurý týraly aıtylǵan. Qujat búginnen, ıaǵnı 8 maýsymnan, bastap kúshine endi, dep habarlaıdy Almaty-akshamy.kz.
«1) Shyǵys Qazaqstan oblysynyń quramynan Aqsýat, Abaı, Aıagóz, Besqaraǵaı, Borodýlıha, Jarma, Úrjar, Kókpekti aýdandaryn, Semeı jáne Kýrchatov qalalaryn bólý jolymen ákimshilik ortalyǵy Semeı qalasynda ornalasatyn Abaı oblysy;
2) Almaty oblysynyń quramynan Aqsý, Alakól, Eskeldi, Qaratal, Kerbulaq, Kóksý, Panfılov, Sarqan aýdandaryn, Taldyqorǵan jáne Tekeli qalalaryn bólý jolymen ákimshilik ortalyǵy Taldyqorǵan qalasynda ornalasatyn Jetisý oblysy;
3) Qaraǵandy oblysynyń quramynan Jańaarqa, Ulytaý aýdandaryn, Jezqazǵan, Qarajal jáne Sátbaev qalalaryn bólý jolymen ákimshilik ortalyǵy Jezqazǵan qalasynda ornalasatyn Ulytaý oblysy qurylsyn», - delingen Prezıdent Jarlyǵynda.
Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júktelgen edi. Sondaı-aq, onyń 8 maýsymnan bastap kúshine enetini jazylǵan.
«Jarlyq 2022 jylǵy 8 maýsymnan bastap qoldanysqa engiziledi jáne resmı jarıalanýǵa tıis», - delingen qujatta.