Elimizdiń eńbek resýrstary portalynda osyndaı ataýmen jańa servıs iske qosyldy.
Bul júıeniń kómegimen jumys berýshi qyzmetkerdiń jumysqa ornalasý kezinde qajetti qujattardyń elektrondyq paketin suraı alady. Atap aıtsaq: jeke kýáliktegi aqparat, bilimi týraly, psıhonarkologıalyq jáne týberkýlez dıspanserlerinde esepte bar-joǵy, tipti vaksınalaý jaıyndaǵy málimetter qamtylǵan, dep habarlaıdy Almaty-akshamy.kz Qazaqtv.com saıtyna silteme jasap.
Sondaı-aq, úmitkerdiń basqa jumyspen qamtylýyn tekserýge bolady. Árıne, onyń bári tek ıesiniń ruqsatymen beriledi. Suraý sıfrlyq damý, ınovasıalar jáne aeroǵarysh ónerkásibi mınıstrliginiń derbes derekterge qoljetimdilikti baqylaý servısi arqyly SMS joldaý nemese elektrondyq sıfrlyq qoldyń kómegimen júzege asyrylady.
«Adamdar ózderiniń jeke derekteriniń qaýipsizdigi boıynsha esh alańdamasa bolady. Málimetter eńbek sharttaryn esepke alýǵa arnalǵan biryńǵaı júıede saqtalady. Ol óz kezeginde memlekettik organdardyń birińǵaı derekter bazasyna enedi. Ol aqparattyq qaýipsizdikke qatysty synaqtan ótken. Ony rastaıtyn sertıfıkattar bar», - deıdi QR EHÁQM «Eńbek resýrstaryn damytý ortalyǵy» AQ Bas sarapshysy Erbolat Islamov.
Jaqynda elimizde qurylǵan osy tekti endi bir júıe - «Qyzmetkerdiń jeke kabıneti». Onda el azamattary eńbek sharttarymen tanysyp, jumys ornynan anyqtamany júktep, derbes derekterdi óńdeýge kelisimge qol qoıa alady.