Qazaqstanda qustardyń qysqy sanaǵy júrgizilýde

Sanaqqa kez kelgen adam qatysa alady.

21-23 qańtarda sýda júzýshi jáne sý mańaıy qustarynyń Halyqaralyq qysqy sanaǵy ótedi, dep habarlaıdy Almaty-akshamy.kz

Sharaǵa kez kelgen adam qatysa alady. Qysqy sanaqty sý qustary jınalatyn kez kelgen qatpaıtyn sý qoımasynda júrgizýge bolady.

«Qysqy sanaqty sýda júzetin qustar jınalatyn kez kelgen sý qoımasynda júrgizýge bolady. Sharanyń basty maqsaty - qystaıtyn sý qustaryn, ásirese, olardyń eń kóp shoǵyrlanýy baıqalatyn aýmaqtarda birjolǵy esepke alý. Alynǵan derekter Wetlands international uıymyndaǵy biryńǵaı sanaq koordınatoryna jiberiledi jáne qustardyń sany men onyń ózgerý dınamıkasyn baǵalaý úshin paıdalanylady», - delingen Qazaqstannyń bıoártúrlilikti saqtaý qaýymdastyǵynyń habarlamasynda.

Qatysý sharty:
⠀
Jaqyn jerdegi sý qoımasyna baryp, esepti arnaıy úlgige engizip, qatysýshylar fotosýretin tirkep, artyom.khrokov@acbk.kz poshtasyna jiberý kerek. Eger qustardy anyqtaı almasańyz, sýretin jiberseńiz, qaı qus ekenin mamandar aıtyp beredi. 
⠀
Suraqtar boıynsha Astana 8 (7172) 91 00 44 jáne Almatydaǵy 8 (727) 248 14 09 telefondary arqyly ornıtologtarymyzǵa habarlasýyńyzǵa nemese artyom.khrokov@acbk.kz poshtasyna jazýǵa bolady.