Qadaǵalaýǵa zor yqpalyn tıgizedi.
Qazaqstan Úkimeti qurylys sapasyna baqylaýdy kúsheıtýdi kózdep otyr, osy maqsatta arnaıy portal iske qosyldy, dep habarlaıdy Almaty-akshamy.kz.
«Qazaqstanda qurylys sapasyna baqylaý kúsheıtiledi. Osy maqsatta QR Indýstrıa jáne ınfraqurylymdyq damý mınıstrligi Biryńǵaı qurylys portalyn ázirledi. Atalǵan júıe biryńǵaı sıfrlyq ortada qurylystyń barlyq qatysýshylaryn shoǵyrlandyrýǵa múmkindik berip, jumys sapasyn qadaǵalaýǵa zor yqpalyn tıgizedi», - delingen mınıstrliktiń baspasóz qyzmetiniń habarlamasynda.
Sonymen qatar portal jobalaý-smetalyq qujattamany vedomstvodan tys saraptama portalynan avtomatty túrde túsirýdi jáne barlyq qurylys qujattamasyn sıfrlyq túrde (aktiler, jýrnaldar, nusqamalar) rásimdeýge múmkindik beredi.
Qazirgi kúnde júıege elimizde júrgizilip jatqan qurylys nysandary týraly derekter bazasy júktelip, sarapshylardy testileý boıynsha modýlder iske qosyldy.
Júıe test tapsyrý kezinde testilenýshi mamannyń túpnusqalyǵyn avtomatty túrde tekseredi. Osy arqyly testilenýshiniń basqa adammen aýystyrý faktisin aldyn alady.
Tehnıkalyq qadaǵalaý uıymdary ESQ arqyly qurylys barysy týraly málimetterdi jáne fotomaterıaldardy tirkeı otyryp, aı saıyn esep beredi. Bul MSQB-ǵa salynyp jatqan obektilerge kameraldyq monıtorıń júrgizýge múmkindik beredi.
Budan ózge, IIDM jaýapty memlekettik organdar tarapynan qurylysqa baqylaýdy kúsheıtýdi de josparlap otyr.
Búgingi tańda osy taraptaǵy tıisti zańnamaǵa tıisti túzetýler engizilýde.
Mınıstrliktiń bul bastamasy sapasyz qurylys jumystarynyń aldyn alýǵa, qurylysy syn kótermeıtin nysandardy paıdalanýǵa jáne qabyldaýǵa tosqaýyl qoıady.