Qazaqstannyń týrısik kartasyn baıyta túsýge qolónershilerdiń qosar úlesi mol. Ásem tabıǵat, deńgeıli ınfraqurylym, joǵary servıs - bul týrıserdi tartýdyń negizi desek, al ony tolyqtyryp, erekshelendiretin - qolónershilerdiń ulttyq naqyshta jasaǵan ónimderi.
«Kazakh Tourism» kompanıasy sońǵy birneshe jylda otandyq sheberlerdiń máselesin tyńǵylyqty zerttep keledi, dep habarlaıdy Almaty-akshamy.kz Qazaqtv.com saıtyna silteme jasap.
Sonyń ishinde mańyzdylarynyń biri – qolónershilikti otandyq týrızmge tıimdi kiristirý. Osy jáne ózge de máselelerdi sheberlermen talqylaý maqsatynda ulttyq kompanıa bıyl barlyq óńirdegi qolónershilerdiń basyn qosyp úlken forým ótkizýdi josparlap otyr. Keleshekte sharany dástúrge aınaldyrý kózdelgen.
«Qolónershilerdiń máselesi óz aldyna bólek úlken bir másele. Bizdiń ótken jyldary ótkizgen zertteýimiz boıynsha máseleler de kóp. Ony talqylap, zerdeleý úshin, Almatyda kúzde úlken qolónershiler forýmyn uıymdastyrmaqpyz. Sol jerde biz tapqan problemalardy qalaı sheshý kerek jáne osy qolóner salasyn basqa kreatıvti salalarmen qalaı biriktirip, týrızmge qalaı paıdasyn tıgizedi - sol týraly aıtatyn bolamyz», - deıdi «Kazakh Tourism»UQ» AK basqarýshy dırektory Danıel Serjanuly.