Mal sharýaylyǵynyń óndirisi óskenimen, et baǵasy arzandamaǵan.
Bir jyldyń ishinde Qazaqstanda qoı eti 15,4%-ǵa, jylqy eti 11,8%-ǵa, shoshqa eti 10,2%-ǵa, sıyr eti 8,3%-ǵa qymbattaǵan. Nátıjesinde bir jylda et baǵasy 11%-ǵa ósken, dep habarlaıdy Almaty-akshamy.kz Energyprom.kz silteme jasap.
Ústimizdegi jyldyń qańtar aıynda mal sharýashylyǵyndaǵy ónimderdiń jalpy óndirisiniń kórsetkishi 186,1 mlrd teńgege jetkeni belgili boldy. Bul kórsetkish boıynsha, 30,1 mlrd teńgemen Almaty oblysy tur, bul ótken jylmen salystyrǵanda 2,6%-ǵa kóp. Sondaı-aq úzdik úshtikke Túrkistan jáne Aqmola oblystary endi.
2021 jylǵy qańtar-jeltoqsanda mal sharýashylyǵy ónimderiniń jalpy shyǵarylymy 3,1 trln teńge boldy, ótken jylmen salystyrǵanda naqty mánde 3,6%-ǵa artyq.
2022 jylǵy 1 aqpanda Qazaqstanda 3,4 mln bas jylqy 11,3%-ǵa, 47,3 mln qus 9,2%-ǵa, 241,5 myń bas túıe 7,5%-ǵa, 18,5 mln bas qoı 4,5%-ǵa, 8,3 mln bas iri qara mal 3,9%-ǵa, onyń ishinde 4,2 mln bas sıyr 5,4%-ǵa ósken.
Shoshqa sany 2,6%-ǵa nemese 823,3 myń basqa deıin, eshki 1,2%-ǵa nemese 2,3 mln basqa deıin azaıǵan.
Mal sharýashylyǵynda óndiris oń nátıje kórsetip otyr. Bıyl qańtarda taýyq jumyrtqasyn óndirý bir jylda 18,4%-ǵa nemese 369,7 mln danaǵa deıin ósken.
Sút óndirisi 259,3 myń tonnany quraıdy, bul ótken jylmen salystyrǵanda 1,5% artyq.
İri qara maldyń terisin óndirý 0,2%-ǵa nemese 217 myń danaǵa deıin ósken. Usaq maldyń terisin óndirý 0,4%-ǵa nemese 424,6 myń danaǵa azaıǵan.
2022 jylǵy qańtardyń qorytyndysy boıynsha, Qazaqstan boıynsha bólshek saýda oryndarynda et pen qus etiniń baǵasy bir jylda 11,3%-ǵa ósken. Onyń ishinde qoı eti 15,4%-ǵa, jylqy eti 11,8%-ǵa, shoshqa eti 10,2%-ǵa, sıyr eti 8,3%-ǵa qymbattady. Pisirilgen shujyqtyń baǵasy 7,2%-ǵa, jartylaı ystalǵan shujyq 9,1%-ǵa ósken.
Eldegi dúkender men bazarlarda 1 keli sıyr etiniń ortasha baǵasy – 2,2 myń teńge, qoı eti – 2,4 myń teńge, shoshqa eti – 1,9 myń teńge, jylqy eti – 2,6 myń teńgeni qurady. Pisirilgen shujyqtyń baǵasy orta eseppen 2,2 myń teńge (1 kelisi), jartylaı ystalǵan shujyq 2,6 myń teńge turady.