QR Ónerkásip jáne qurylys mınıstrligi Ónerkásip komıtetiniń tóraǵasy Azamat Panbaev Qazaqstandaǵy boljamdy kómir qory 33,6 mlrd tonnany quraıtynynyn málimdedi, dep habarlaıdy Almaty-akshamy.kz
Azamat Panbaev "Kazsoderjanıe 2.0" halyqaralyq forýmy aıasyndaǵy kómir ónerkásibiniń ózekti máselelerine arnalǵan sesıada sóılegen sózinde atalǵan sala elektr energıasynyń 70%-yn, koks óndirý qýatyn jáne turmystyq sektor men halyqtyń otynǵa qajettiligin tolyq qanaǵattandyryp otyrǵanyn jetkizdi.
Onyń aıtýynsha, 2023 jyldyń qańtar-qazan aılarynda 91,3 mln tonnaǵa jýyq kómir óndirilgen.
Panbaev jańa jobalardy júzege asyrýda kómirdi paıdalaný múmkindikteri keńeıip kele jatqanyn atap ótip, jańa zaýyttarǵa salynǵan ınvestısıanyń mysaldaryn keltirdi, mysaly, qýattylyǵy jylyna 400 myń tonna arnaıy koks shyǵaratyn zaýytty "Shubarkól Kómir" kompanıasymen iske qosý jáne "Bogatyr Kómir" JSHS sıkldik aǵyndy kómir tasymaldaý tehnologıasyn engizý boıynsha biregeı joba baryn aıtty.